பொது நிகழ்வுகள் | தொடர்புக்கு | எங்களைப் பற்றி | உறுப்பினர் பதிவு
பன்னிரு திருமுறை - சைவ சமய பாடல்களின் தொகுப்பு
முன்னை வினைவரின் முன் உண்டே நீங்குவர் பின்னை வினைக் கணார் பேர்ந்து அறப் பார்ப்பார்கள் தன்னை அறிந்திடும் தத்துவ ஞானிகள் நன்மை இல் ஐம்புலன் நாடலினாலே.
தன்னை அறிந்திடும் தத்துவ ஞானிகள் முன்னை வினையின் முடிச்சை அவிழ்ப்பார்கள் பின்னை வினையைப் பிடித்துப் பிசைவர்கள் சென்னியில் வைத்த சிவன் அருளாலே.
மன வாக்குக் காயத்தால் வல்வினை மூளும் மன வாக்கு நேர் நிற்கில் வல்வினை மன்னா மன வாக்குக்கு எட்ட அவர் வாதனை தன்னால் தனை மாற்றி ஆற்றத் தகு ஞானி தானே.
நிற்றல் இருத்தல் கிடத்தல் நடை ஓடல் பெற்ற அக்காலும் திருவருள் பேராமல் சற்றியல் ஞானந்தம் தானந்தம் தங்கவே உற்ற பிறப்பு அற்று ஒளிர் ஞான நிட்டையே.
